Ish-deputeti socialist Namik Dokle ndjek me vëmendje zhvillimet politike në vend. Nëpërmjet një statusi në “Facebook”, ai ka ironizuar “hijshëm” politikanët e të dy kaheve, duke krahasuar lojën e tyre me “bigbradhërsat”, si dhe duke njehsuar 2 shtëpitë më të “famshme” në Shqipëri. Dokle sjell me humor në “skenë” flirtet e ditës brenda shtëpisë së politikës si dhe finalen e madhe mes Bashës dhe Berishës
Postimi
POLITIKANI dhe BIGBRADHËRSI
Një politikan i ditës takoi njërin nga “bigbradhërsat” që sapo kishte dalë nga loja, pa arritur dot në finale…
-Po ç’bëhet në atë “shtëpinë” tuaj?- u gërrduf politikani,- Një herë me Ilirin, pastaj kundër Ilirit; një herë me Donaldin, pastaj kundër!
Bigbradhërsi qeshi dhe pastaj ia ngjeshi:
-Euuu, kush po na flet!!! A nuk jeni ju politikanët një herë me Ilirin, pastaj kundër Ilirit, një herë me Berishën pastaj kundër tij, një herë me Lulin, pastaj kundër Lulit, një herë me Edin, pastaj kundër…?! Nga “loja ” jonë nuk vuan askush, nga e juaja të gjithë!
